ရန်ကုန်တိုင်းဒေသကြီး၊ ဒေါပုံမြို့နယ်ရှိ မဟာဗန္ဓုလတံတား (ဒေါပုံဘက်အဆင်း) ပေါ်ကနေ နိုဝင်ဘာလ ၂၁ ရက်၊ သောကြာနေ့ ညနေ (၅) နာရီ (၅၅) မိနစ်ခန့်က အမျိုးသမီးတစ်ဦး ရေထဲကို ခုန်ချသေဆုံးခဲ့ကြောင်း သိရပါတယ်။ရေထဲခုန်ချခဲ့သူ အမျိုးသမီးရဲ့ ရုပ်အလောင်းကို ငါးဖမ်းလှေများရဲ့ အကူအညီနဲ့ ဆယ်ယူခဲ့ရပြီး၊ ရွှေဝါထွန်-၇ ရေယာဉ်ပေါ်ကနေ ကုန်းပေါ်ကို သယ်ယူခဲ့ကြောင်း သိရပါတယ်။အဆိုပါ အမည်မသိ၊ နေရပ်မသိ အမျိုးသမီးရဲ့ ရုပ်အလောင်းကို "ရှင်သန်ရေး" ကူညီမှုအသင်းရဲ့ ယာဉ်နဲ့ ရန်ကုန်ပြည်သူ့ဆေးရုံကြီး (YGH)ကို ပို့ဆောင်ပေးခဲ့ပြီး ရဲတပ်ဖွဲ့ဝင်များက သေဆုံးသူ အမျိုးသမီး မည်သူမည်ဝါဖြစ်ကြောင်းနှင့် ခုန်ချရတဲ့ အကြောင်းရင်းကို စုံစမ်းစစ်ဆေးလျက်ရှိပါတယ်။



