ထိုင်းနိုင်ငံ၏ ဆေးပညာသမိုင်းတွင် ပထမဆုံးအကြိမ်အဖြစ် အမွှာအချင်းချင်း အသည်းအစားထိုးကုသမှု ကို ချင်းမိုင်တက္ကသိုလ်မှ ဆရာဝန်များက အောင်မြင်စွာ လုပ်ဆောင်နိုင်ခဲ့ပြီး လူငယ်တစ်ဦး၏ အသက်ကို ကယ်တင်နိုင်ခဲ့သည်။ မွေးရာပါ သည်းခြေပြွန်ပိတ်ရောဂါခံစားနေရသော ညီဖြစ်သူ Suphawit Songngern အတွက် ထပ်တူညီအမွှာအစ်ကိုဖြစ်သူ Supphich Songngern က ၎င်း၏အသည်း ၆၅ ရာခိုင်နှုန်းကို လှူဒါန်းခဲ့ခြင်းဖြစ်သည်။ ၎င်းတို့နှစ်ဦးသည် မျိုးရိုးဗီဇ ကိုက်ညီမှုရှိသောကြောင့် ခွဲစိတ်မှုအောင်မြင်ပါက အသည်းငြင်းပယ်ခံရနိုင်ခြေ သိသိသာသာ နည်းပါးမည်ဖြစ်ပြီး၊ လူနာသည် ရေရှည်တွင် ကိုယ်ခံအားထိန်းဆေးများ သောက်စရာမလိုတော့ခြင်း၏ အကျိုးကျေးဇူးကို ခံစားရမည်ဖြစ်သည်။ တွဲဖက်ပါမောက္ခ Dr. Sannawit Chanrungsee ဦးဆောင်သော အဖွဲ့သည် ၉ နာရီကျော်ကြာ ခက်ခက်ခဲခဲ ခွဲစိတ်ခဲ့ရပြီး၊ ဤခွဲစိတ်မှုကို သက်ရှိလူနာဆီမှ အသည်းလှူဒါန်းမှု လက်ခံလုပ်ဆောင်ပေးနေသည့် ချင်းမိုင်တက္ကသိုလ်၏ Organ Transplant Centre တွင် ပြုလုပ်ခဲ့ခြင်းဖြစ်သည်။

Nov 21 • 12:43 AM
ထိုင်း
ပြည်တွင်းသတင်း
မျှဝေမည်
| 26 | 0 | 0 | 0 |


