တစ်ပတ်နီးပါး ဓာတ်အားပြတ်တောက်နေခဲ့သော လုံးခင်းဒေသ၏ ပြဿနာကို ဖြေရှင်းရန် လျှပ်စစ်ဝန်ထမ်းများက ကြိုးစားဆောင်ရွက်နေသည်။လုံးခင်းအုပ်စုအတွင်းရှိ နေရာအချို့သို့ မီးပြန်လည်ရရှိပြီဟု ယူဆရသော်လည်း၊ ဓာတ်အားလိုင်း ချို့ယွင်းမှု အပြည့်အဝ မပြီးပြတ်သေးသဖြင့် မီးလင်းရန် ကျန်ရှိနေသေးသော ရပ်ကွက်များနှင့် ကျေးရွာများ ရှိနေသေးသည်။ယင်းသို့ ကျန်ရှိနေသော နေရာများသို့ ဓာတ်အားအပြည့်အဝ ပြန်လည်ပို့လွှတ်နိုင်ရန်အတွက် နောက်ရက် (မနက်ဖြန်၊ နိုဝင်ဘာ ၁၇ ရက်) တွင် ပြုပြင်ရေးလုပ်ငန်းများကို ဆက်လက် လုပ်ဆောင်ပေးသွားမည်ဖြစ်ကြောင်း သက်ဆိုင်ရာမှ အသိပေးထားပါသည်။



