ရေဖြူမြို့နယ်ရှိ မွန်လူမျိုးများနေထိုင်သည့် ကျေးရွာများတွင် နှစ်စဥ်နွေရာသီတွင် ဖွင့်လှစ်လေ့ရှိသည့် မွန်စာပေ သင်တန်းကျောင်းများတွင် ယခုနှစ်တွင် တက်ရောက်သင်ယူသူ သိသိသာသာလျော့နည်းလာကြောင်း မွန်စာပေသင်ကြားသည့် ဆရာတော်များနှင့် ဒေသခံများထံမှ သိရသည်။နှစ်စဥ် ကျောင်းသား၊ ကျောင်းသူ နှစ်ရာကျော် တက်ရောက်သင်ကြားလေ့ရှိသည့် ကံပေါက်တိုက်နယ်က မွန်ကျောင်း တစ်ကျောင်းတွင် ယခုနှစ် တက်ရောက်သင်ကြားသူ ၁၅၀ ဝန်းကျင်သာရှိတော့ကြောင်း ယင်းကျောင်းထံမှသိရသည်။
