ရှဉ့်ဘုရင်ဒူရင်းသီး ဈေးအမြင့်ဆုံးဖြစ်လာ

မလေးရှား၏ ဒူရင်းသီးမျိုးသစ် "ရှဉ့်ဘုရင်" (မလေးအခေါ် Tupai King) သည် လူကြိုက်များလာပြီး ဈေးအမြင့်ဆုံး ဒူရင်းသီးအဖြစ် Musang King နှင့် Black Thorn တို့ထက် ဈေးပိုမြင့်နေကာ တကီလိုလျှင် ရင်းဂစ် ၁၃၀ (US$30.25) အထိ ရှိသည်။ ပီနန်မှ ဒူရင်းခြံရှင် Eric Yeap က လွန်ခဲ့သော ၁-၂ နှစ်အတွင်း ပြည်တွင်းပြည်ပ၌ လူကြိုက်များလာကြောင်း ပြောကြားခဲ့ပြီး တရုတ်နှင့် စင်ကာပူမှ ဝယ်သူများပင် လာရောက်ဝယ်ယူကြကြောင်း ဆိုသည်။ ရှဉ့်ဒူရင်းသည် အပေါ်မှ အက်ကွဲတတ်ပြီး Musang King လောက်မချိုသော်လည်း အနည်းငယ်သော ခါးသက်သော အရသာနှင့် မည်းပြာရောင် အသားရှိသည်။ ဝယ်လိုအားများသော်လည်း စိုက်ပျိုးမှုအသစ်ဖြစ်သောကြောင့် ဈေးကွက်တွင် အများအပြား မရရှိသေးပေ။ ဤမျိုးစိတ်ကို ပီနန်မှ ဒူရင်းကျွမ်းကျင်သူ Chew Chee Wan က စတင်စိုက်ပျိုးခဲ့ပြီး Tupai King အမည်ကို တရားဝင်မှတ်ပုံတင်ထားသည်။ ပျိုးပင်များကို ၂၀၂၂ ခုနှစ်တွင် စတင်ရောင်းချခဲ့ပြီး အမြောက်အမြားထွက်ရှိရန် ၂-၃ နှစ်ခန့် စောင့်ရဦးမည်ဟု ၎င်းက ပြောကြားခဲ့သည်။