စစ်ကိုင်းမြို့မှ ငလျင်ဘေးသင့်ပြည်သူများအတွက် အိမ်ဆောက်ပစ္စည်းများ ဈေးရောင်းပွဲတော် တွင် ဆိုင်ခန်းပေါင်း (၂၂)ခန်းဖြင့် ဘိလပ်မြေ၊ အုတ်၊ ကပ်၊ ဝါးထရံ၊ သွပ်၊ ပိုက်နှင့် ဆက်စပ်ပစ္စည်းများ၊ လျှပ်စစ်ဆိုင်ရာ ဆက်စပ်ပစ္စည်းများနှင့် အခြားအိမ်ဆောက်ပစ္စည်းများကို ဈေးနှုန်းချိုသာစွာ ရောင်းချ ပေးမည် ဖြစ်ပြီး အလှူရှင်များက ငလျင်ဘေးသင့်ပြည်သူများအတွက် နေအိမ်များ ဆောက်လုပ် လှူဒါန်းနိုင်ရန်နှင့် ငလျင်ဘေးသင့်ပြည်သူများလည်း ဈေးနှုန်းသင့်တင့်စွာဖြင့် နေအိမ်များ ဆောက် လုပ်နိုင်ရန်အတွက် ငွေကျပ် (၅၉)သိန်း တန်ဖိုးရှိသည့် အလျား (၂၀)ပေ၊ အနံ (၁၅) ပေ၊ အမြင့် (၉)ပေခွဲ အကျယ်အဝန်း ရှိသော တန်ဖိုးသင့်နေအိမ်များကိုလည်း ဆောက်လုပ်ပြသပေးထားမည် ဖြစ်သည်။
