နယူးကာဆယ်နဲ့ပွဲစဉ်ကို အမှားခံလို့မရကြောင်း ချဲလ်ဆီးတိုက်စစ်ကစားသမား ပါးလ်မားပြော

ချဲလ်ဆီး တိုက်စစ်ကစားသမား ကိုးလ်ပါးလ်မားက နယူးကာဆယ်နဲ့ယှဉ်ပြိုင်ကစားမယ့် ပွဲကို အမှားခံလို့မရကြောင်း ပြောလိုက်ပါတယ်။ပါးလ်မားက "စိန့်ဂျိမ်းပါ့တ်မှာ ကစားရမယ့်ပွဲကို အမှားခံလို့မရသလို ကြောက်လန့်နေလို့လည်းမရပါဘူး။ဒီပွဲကို ရလာဒ်ကောင်းဖို့ အာရုံစိုက်ကစားသွားမှာပါ"လို့ ပြောခဲ့တာဖြစ်ပါတယ်။ချဲလ်ဆီးနဲ့နယူးကာဆယ်ဟာ ပရီးမီးယားလိဂ်အမှတ်ပေးဇယားမှာ အဆင့်၅နဲ့ ၄မှာအထက်အောက်ရပ်တည်နေကြတာဖြစ်ပါတယ်။