သူတို့က ကစားဖို့တောင် မကြိုးစားဘဲ အချိန်ဖြုန်းနေတယ်လို့ ဆောက်သမ်ကို မန်စီးတီးနောက်ခံလူဒီယက်စ် တိုက်ခိုက်

ဆောက်သမ်တန်အသင်းဟာ ပရီးမီးယားလိဂ် ပြိုင်ပွဲသမိုင်းတစ်လျှောက် အညံ့ဆုံးအသင်းအဖြစ် မှတ်တမ်းဝင်တော့မယ့် အရေးကနေ နောက်ဆုံးပွဲမှာ မန်ချက်စတာ စီးတီးအသင်းကို ဂိုးမရှိ သရေကစားပြီး လွတ်မြောက်ခဲ့အပြီးမှာတော့ မန်စီးတီးနောက်ခံလူ ရူဘင် ဒီယက်စ်ကိုပါ လှောင်ပြောင်ခဲ့ပါတယ်။စိန့်မေရီကွင်းမှာ မန်စီးတီးကို ဂိုးမရှိ သရေရလဒ်ထွက်အောင် ကစားနိုင်ခဲ့တာကြောင့် တန်းဆင်းသွားပြီဖြစ်တဲ့ ဆောက်သမ်တန်အသင်းအတွက်တော့ စိတ်ဓာတ်ပိုင်းဆိုင်ရာ အားတက်စရာဖြစ်ခဲ့ပါတယ်။ အာလင်း ဟာလန်း အပါအဝင် မန်စီးတီးတိုက်စစ်မှူးတွေဟာ ဆောက်သမ်တန်ရဲ့ ခံစစ်အားပြုထားတဲ့ ကစားဟန်ကို ထိုးဖောက်နိုင်ခြင်း မရှိခဲ့ဘဲ နိုင်ပွဲပါ ရပ်တန့်သွားခဲ့ပါတယ်။