ချန်ပီယံ ဘိုင်ယန်တို့ မူလာကို နှုတ်ဆက်ချိန် ဟယ်ရီကိန်း ပထမဆုံးဖလား ကိုင်မြှောက်

ဘိုင်ယန်မြူးနစ်က မိုချင်ဂလာဘတ်အသင်းကို ၂-၀ နဲ့ အနိုင်ရရှိခဲ့ရာမှာ ဟယ်ရီကိန်းဟာ သူ့ရဲ့ ကစားသမားဘဝမှာ ပထမဆုံး ဆုဖလားကို မကိုင်မြှောက်ခင် အဖွင်းဂိုးသွင်းပေးခဲ့ပါတယ်။ ဝါရင့်ကစားသမား သောမတ်စ် မူလာကတော့ ကလပ်အတွက် သူ့ရဲ့ နောက်ဆုံးအိမ်ကွင်းပွဲကို ကစားသွားခဲ့ပါတယ်။ချန်ပီယံဘွဲ့ကာကွယ်နေတဲ့ လေဗာကူဆင်အသင်း ဖရိုင်ဘတ်မှာ ၂-၂ နဲ့ သရေကျခဲ့ချိန်မှာ ဘိုင်ယန်အနေနဲ့ မေ၁၁ရက်နေ့မှာ တရားဝင် ချန်ပီယံဖြစ်ခဲ့ပါတယ်။ ဒါပေမဲ့ သူတို့ကို ပွဲပြီးဆုံးချိန်မှ အိမ်ကွင်းပရိသတ်တွေရှေ့မှောက် ဘွန်ဒက်စ်လီဂါ ချန်ပီယံဆုဖလားကို ပေးအပ်ခဲ့တာပါ။