တရုတ်-ဆာဘီးယား အေးအတူပူအမျှ အသိုက်အဝန်း အရည်အသွေးမြင့် တည်ဆောက်ရေး သမ္မတ ရှီ တိုက်တွန်း

တရုတ်နိုင်ငံနှင့် ဆာဘီးယားနိုင်ငံတို့သည် သံမဏိကဲ့သို့ ခိုင်မြဲသောချစ်ကြည်ရင်းနှီးမှု ရှေ့ဆက်ရေး၊ အပြန်အလှန် အကျိုးဖြစ်ထွန်းသော ပူးပေါင်းဆောင်ရွက်မှု အဆင့်မြှင့်တင်ရေးနှင့် တရုတ်-ဆာဘီးယား အေးအတူပူအမျှ အသိုက်အဝန်း အရည်အသွေးမြင့် တည်ဆောက်ရေးအတွက် ဆောင်ရွက်သွားရမည်ဖြစ်ကြောင်း တရုတ်နိုင်ငံ သမ္မတ ရှီကျင့်ဖိန်က မေ ၉ ရက်၌ ပြောကြားခဲ့သည်။ ရှီသည် ဆာဘီးယားနိုင်ငံ သမ္မတ အလက်ဇန်းဒါး ဗူဆစ်နှင့် ဆိုဗီယက်ပြည်ထောင်စု၏ မဟာမျိုးချစ်စစ်အောင်ပွဲ နှစ် ၈၀ ပြည့်အထိမ်းအမှတ် အခမ်းအနားပွဲများအတွင်း သီးခြားတွေ့ဆုံစဉ် အထက်ပါအတိုင်း မှတ်ချက်ပြုပြောကြားခဲ့ခြင်းဖြစ်သည်။