တပ်ဖ်စ် တက္ကသိုလ်ကျောင်းသူကို အမေရိကန် အာဏာပိုင်များက ဖမ်းဆီးထားရာမှ တရားသူကြီးက ပြန်လွှတ်ပေးရန် အမိန့်ချ

အမေရိကန်ပြည်ထောင်စု ဗားမောင့်ပြည်နယ်မှ ဖက်ဒရယ်တရားသူကြီးတစ်ဦးသည် တူရကီနိုင်ငံသား တပ်ဖ်စ် တက္ကသိုလ်ကျောင်းသူ ရူမေဆာ အိုဇ်တူ့ခ်အား လွှတ်ပေးရန် မေလ ၉ ရက် သောကြာနေ့တွင် အမိန့်ချခဲ့သည်။ အဆိုပါ ကျောင်းသူသည် ဂါဇာစစ်ပွဲနှင့် ပတ်သက်၍ ကျောင်း၏ တုံ့ပြန်မှုကို ဝေဖန်သည့် ဆောင်းပါးတစ်စောင်ကို ရေးသားခဲ့ပြီးနောက် မတ်လ ၂၅ ရက်တွင် ဘော်စတွန်မြို့အနီး၌ ဖမ်းဆီးခံခဲ့ရသည်။ တရားသူကြီး ဝီလီယံ ဆက်ရှင်းက အိုဇ်တူ့ခ်သည် အမေရိကန်၏ နိုင်ငံခြားရေးမူဝါဒကို ထိခိုက်စေနိုင်သည်ဟု ယူဆရန် အထောက်အထား မရှိကြောင်း ပြောကြားခဲ့သည်။ အိုဇ်တူ့ခ်သည် သူမ၏ ပါလက်စတိုင်းအားပေးသည့် လှုပ်ရှားမှုကြောင့် ထရမ့်အစိုးရ၏ ပစ်မှတ်ထားခြင်းကို ခံခဲ့ရသည်။