ဒီဘရိုင်းက လီဗာပူးလ်အသင်းဆီ ပြောင်းသွားရင်တောင်မှ အကောင်းဆုံးတွေပဲ ဖြစ်စေချင်တယ်လို့ ဂွါဒီယိုလာ ဖွင့်ဟ

ဒီဘရိုင်းနား ပြိုင်ဘက်ကလပ်တစ်ခုဆီ ပြောင်းရွှေ့နိုင်ခြေနဲ့ ပတ်သက်ပြီး မေးမြန်းရာမှာတော့ ဂွါဒီယိုလာက “ကျွန်တော်မသိပါဘူး။ ကျွန်တော်ကတော့ ကီဗင်နဲ့ သူ့မိသားစုအတွက် အကောင်းဆုံးကိုပဲ လိုလားပါတယ် – အကောင်းဆုံးပါပဲ” လို့ ဖြေကြားခဲ့ပါတယ်။ စိတ်ဝင်စားစရာအချက်ကတော့ ဒီဘရိုင်းဟာ သူ့ရဲ့ကစားသမားဘဝတစ်လျှောက် လီဗာပူးလ်နဲ့ သတင်းတွေ ထွက်ပေါ်လေ့ရှိသူ ဖြစ်ပါတယ်။ ၂၀၀၀ ပြည့်နှစ်အစောပိုင်းက ဂျန့်ခ်လူငယ်အသင်းမှာ ကစားနေတဲ့ (၁၁)နှစ်အရွယ် ဒီဘရိုင်းနားရဲ့ ဗီဒီယိုမှတ်တမ်းတစ်ခုမှာ လီဗာပူးလ်ဟာ သူ့ရဲ့ငယ်ဘဝကတည်းက အားပေးတဲ့အသင်းဖြစ်ကြောင်း ဖွင့်ဟပြောခဲ့ဖူးတဲ့ သာဓကလည်း ရှိခဲ့ပါတယ်။