မန္တလေးမြို့တွင် မေ ၁၀ ရက် မွန်းလွဲ ၂နာရီ ၄၅ မိနစ်ခန့်က စတင်၍ တစ်နာရီ ၂၀ -၂၅ မိုင်ဝန်းကျင်ရှိ လေပြင်းများ တိုက်ခတ်ပြီးနောက် မိုးသည်းထန်စွာ ရွာသွန်းခြင်းနှင့် အတူ မန္တလေးမြို့တွင်း နေရာအနှံ့အပြား မိုးသီးများ ကြွေကျခဲ့သည်။မိုးတိမ်တောင်ကြီးများ ရွေ့လျားရာ တစ်လျောက်တွင် မိုးရွာသွန်းခြင်နှင့်အတူ လေပြင်းတိုက်ခတ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းများ ဖြစ်ပေါ်နိုင်ကြောင်းနှင့် မေ ၁၁ ရက်နေ့တွင် မန္တလေးမြို့နှင့် အနီးတစ်ဝိုက် တိမ်အတင့်အသင့် ဖြစ်ထွန်းပြီး မိုးထစ်ချုန်း၍ နေရာကွက်ကျား မိုးရွာရန် ရာနှုန်းပြည့်ဖြစ်ကြောင်း မိုး/ဇလမှ ထုတ်ပြန်ကြေညာထားကြောင်း သိရသည်။
