လေတပ်စခန်းတွေ တိုက်ခိုက်ခံရလို့ အိန္ဒိယကို လက်တုံ့ပြန်ခဲ့ကြောင်း ပါကစ္စတန်ပြော

လေတပ်စခန်းတွေကို အိန္ဒိယဖက်က တိုက်ခိုက်ခဲ့တဲ့နောက် စစ်ရေးအရ လက်တုံ့ပြန်ခဲ့ကြောင်း ပါကစ္စတန် စစ်တပ်က ကြေညာခဲ့ပါတယ်။မေလ ၁၀ ရက်နေ့ မနက်အစောပိုင်းက အိန္ဒိယဖက်က ပစ်ခတ်ခဲ့တဲ့ ဒုံးကျည်တွေထဲက တချို့ဟာ ပါကစ္စတန်ရဲ့ လေကြောင်း ကာကွယ်ရေး စနစ်တွေကို ကျော်လွှားလာခဲ့တယ်လို့လည်း ပါကစ္စတန်က ဆိုပါတယ်။ အနည်းဆုံး လေတပ်စခန်း ၃ ခုလောက်ကို အိန္ဒိယက ပစ်မှတ်ထား တိုက်ခိုက်ခဲ့တဲ့နောက် ပါကစ္စတန်ကလည်း လက်တုံ့ပြန် တိုက်ခိုက်နေပြီလို့ ထုတ်ပြန်ခဲ့တာပါ။