Frasers Property စင်ကာပူအိမ်ရာ အမြတ်ကောင်းမှုကြောင့် အသားတင်အမြတ် ရရှိ

ထိုင်းဘီလီယံနာ Charoen Sirivadhanabhakdi ထိန်းချုပ်ထားသော Frasers Property Ltd သည် စင်ကာပူအိမ်ရာလုပ်ငန်းကဏ္ဍမှ ရရှိသော အမြတ်အစွန်းကောင်းများကြောင့် သြစတြေးလျနှင့် တရုတ်နိုင်ငံတို့ရှိ အိမ်ရာလုပ်ငန်းကဏ္ဍများ ကျဆင်းသည်ကို ထေမိကာ အသားတင်အမြတ် ရရှိခဲ့ကြောင်း သိရသည်။ မတ်လ ၃၁ ရက်တွင် ပြီးဆုံးခဲ့သော ဒုတိယနှစ်ဝက် ခြောက်လတာကာလအတွင်း Frasers Property သည် စင်ကာပူဒေါ်လာ ၁၃၅.၆ သန်း အသားတင်အမြတ် ရရှိခဲ့သည်။ စင်ကာပူအိမ်ရာဈေးကွက်သည် မကြာသေးမီလများအတွင်း ပြန်လည်ကောင်းမွန်လာခဲ့ပြီး ယခင်က အေးစက်နေခဲ့သော ဈေးကွက်တွင် အရောင်းအဝယ်များ ပြန်လည်ဖြစ်ပေါ်လာခဲ့သည်။ သို့သော် တရုတ်အိမ်ရာဈေးကွက်မှာမူ ဆက်လက် အားနည်းနေဆဲဖြစ်ပြီး Frasers Property ၏ အမြတ်အစွန်းကို ဆွဲချနေသော အဓိကအကြောင်းရင်းတစ်ခုဖြစ်သည်။