"Robotaxi" ကို အမှတ်တံဆိပ် မူပိုင်ခွင့် လျှောက်ထားရာ၌ USPTO ကအမှတ်တံဆိပ် မူပိုင်ခွင့် ပေးရန် ငြင်းဆန်

အမေရိကန်ပြည်ထောင်စု မူပိုင်ခွင့်နှင့် ကုန်အမှတ်တံဆိပ်ရုံး U.S. Patent and Trademark Office USPTO သည် တက်စလာက မကြာမီ ထုတ်လုပ်မည်ဟု ကြေညာထားသည့် မောင်းသူမဲ့ တက္ကဆီများအတွက် ရိုဘိုတက္ကဆီ "Robotaxi" ကို အမှတ်တံဆိပ် မူပိုင်ခွင့် လျှောက်ထားရာ၌ USPTO က ၎င်းအမှတ်တံဆိပ် အမည်သည် ယေဘုယျဆန်လွန်းသဖြင့် အမှတ်တံဆိပ် မူပိုင်ခွင့် ပေးရန် ငြင်းဆန်လိုက်သည်။တက်စလာက မောင်းသူမဲ့ တက္ကဆီ ဝန်ဆောင်မှုအတွက်လည်း "Robotaxi" ကို အမှတ်တံဆိပ် မူပိုင်ခွင့် လျှောက်ထားသည်။ ၎င်းလျှောက်လွှာကို USPTO က စိစစ်ဆဲ ဖြစ်သည်။တက်စလာသည် မောင်းသူမဲ့ တက္ကဆီအတွက် "Cybercab" ဟု အမှတ်တံဆိပ် မူပိုင်ခွင့် လျှောက်ထားသည်ကိုလည်း USPTO က ခွင့်မပြုချေ။ အခြားကုမ္ပဏီများကလည်း အလားတူ "Cyber" အမှတ်တံဆိပ်များ မူပိုင်ခွင့် လျှောက်ထားကြသဖြင့် တက်စလာ တဦးတည်းကို ကွက်ပြီး မူပိုင်ခွင့် ပေးရန် မဖြစ်နိုင်ဟု USPTO က ဆိုသည်။