Nissan Motor သည် ဂျပန်နိုင်ငံ အနောက်တောင်ပိုင်း ကျူရှူးကျွန်းတွင် လျှပ်စစ်ကားဘက်ထရီများ ထုတ်လုပ်ရန်အတွက် စက်ရုံတည်ဆောက်မည့် အစီအစဉ်ကို စွန့်လွှတ်

Nissan Motor သည် ဂျပန်နိုင်ငံ အနောက်တောင်ပိုင်း ကျူရှူးကျွန်းတွင် လျှပ်စစ်ကားဘက်ထရီများ ထုတ်လုပ်ရန်အတွက် စက်ရုံတည်ဆောက်မည့် အစီအစဉ်ကို စွန့်လွှတ်မည်ဖြစ်ကြောင်း သောကြာနေ့ (မေ ၉)တွင် ပြောကြားသည်။ဂျပန်နိုင်ငံ၏ တတိယအကြီးဆုံး ကားထုတ်လုပ်ရေးလုပ်ငန်း နီဆန်းသည် ပြီးခဲ့သည့် ဇန်နဝါရီလတွင် ကျူရှူးမြို့မှာ အီးဗီများအတွက် လစ်သီယမ်သံဖော့စဖိတ် lithium iron phosphate (LFP) ဘက်ထရီ စက်ရုံတရုံကို ယန်း ၁၅၃.၃ ဘီလီယံ (ကန်ဒေါ်လာ ၁.၀၅ ဘီလီယံ) ရင်းနှီးမြှုပ်နှံကာ တည်ဆောက်မည်။ အလုပ်အကိုင် ၅၀၀ ခန့် ဖန်တီးပေးနိုင်မည်ဟု ကြေညာခဲ့သည်။စက်ရုံအတွက် ဂျပန်အစိုးရက ယန်း ၅၅.၇ ဘီလီယံ အရင်းအနှီး ထည့်ဝင်ရန် ကတိပြုထားသည်။