ရခိုင်ပြည်မောင်တော မြို့ပေါ်က ဈေးဆိုင်ခန်းတွေရဲ့ ၈၀ ရာနှုန်း ဖောက်ထွင်းအခိုးခံခဲ့ရမှုဖြစ်နေ

ရခိုင်ပြည်၊ အနောက်ဖက်နယ်စပ် မောင်တောမှာ မြို့ပေါ်က ရခိုင်၊ ဟိန္ဒူနဲ့ ဒေသခံမွတ်ဆလင်တွေရဲ့ ဈေးဆိုင်ခန်း ၈၀ ရာခိုင်နှုန်းဟာ ဖောက်ထွင်းအခိုးခံခဲ့ကြရတယ်လို့ သိရပါတယ်။ဖောက်ထွင်းခိုးယူခံခဲ့ကြရသည့် ဈေးဆိုင်တွေကတော့ ဆေးမျိုးစုံဆိုင်၊ သံထည်ပစ္စည်းတွေအရောင်းဆိုင်၊ ပရိဘောဂဆိုင်၊ လျှပ်စစ်ပစ္စည်းမျိုးစုံအရောင်းဆိုင်၊ ဝတ်အထည်ဆိုင်၊ စားကုန်ဆိုင်၊ အိမ်ဆောက်ပစ္စည်းတွေအရောင်းဆိုင်၊ ဆိုင်ကယ်ပစ္စည်းမျိုးစုံအရောင်းဆိုင်နဲ့ ကားပစ္စည်းမျိုးစုံ အရောင်းဆိုင်တွေဖြစ်တယ်လို့ ဒေသခံတွေဆီကနေ သိရပါတယ်။