ရန်ကုန်-မော်လမြိုင်ကားလမ်းပေါ်တွင် ဘုရားဖူးယာဥ်တစ်စီး အရှိန်လွန်ကာတိုက်မှုဖြစ် တစ်ဦး သေဆုံး၊ ၁၅ ဦး ဒဏ်ရာရ

မေလ ၉ ရက်နေ့ နံနက် ၉ နာရီအချိန်ခန့်က မွန်ပြည်နယ်၊ သထုံမြို့နယ်၊ ဒုံဝန်းကျေးရွာအုပ်စု၊ ကမာစိုင်အမကကျောင်းရှေ့ မော်လမြိုင်-ရန်ကုန်အဝေးပြေးလမ်းမတွင် ဘုရားဖူးယာဥ်တစ်စီးအရှိန်လွန်ကာ လမ်းဘေးထိုးကျပြီး ယာဉ်တိုက်မှုဖြစ်ပွားခဲ့ကြောင်း ဒေသခံများထံမှ သိရသည်။အဆိုပါ ယာဉ်တိုက်မှုကြောင့် ယာဉ်ပေါ်လိုက်ပါလာသူ ၁၅ ဦး ထိခိုက်ဒဏ်ရာများ ရရှိခဲ့ပြီး အမျိုးသားတစ်ဦး သေဆုံးခဲ့ကြောင်း သိရသည်။