ဂျပန်မှာ ကြက်ညှာချောင်းဆိုးရောဂါကူးစက်သူတွေ ဆက်တိုက် တိုးလာနေပါတယ်။ နိုင်ငံတစ်ဝန်း ဆေးဘက်ဆိုင်ရာ အဖွဲ့အစည်းတွေရဲ့ တင်ပြချက်အရ ဧပြီလ ၂၇ ရက်နေ့အထိ တစ်ပတ်တာအတွင်း ကူးစက်သူ ၂,၁၇၆ ဦး ရှိခဲ့ပြီး အဲဒီမတိုင်ခင် တစ်ပတ်ကထက် ၂၉၂ ဦး တိုးလာခဲ့တယ်လို့ သိရပါတယ်။ ၅ ပတ်ဆက်တိုက် စံချိန်တင်မြင့်မားလာခဲ့တာ ဖြစ်ပါတယ်။ နှစ်ဆန်းပိုင်းက စပြီး ကူးစက်သူဦးရေစုစုပေါင်း ၁၁,၉၂၁ ဦး ရှိပြီဖြစ်ပြီး ဒါဟာ အရင်နှစ်ရဲ့ စုစုပေါင်းအရေအတွက်ထက် နှစ်ဆပိုများပါတယ်။ မိဘတွေအနေနဲ့ ကလေးနှစ်လသားအရွယ်ရောက်တာနဲ့ ကာကွယ်ဆေးထိုးပေးဖို့ ဂျပန်ကလေးအထူးကုဆရာဝန်များအသင်းက တိုက်တွန်းထားပါသည်။
