PSG အသင်းသည် ယခုရာသီ ချန်ပီယံလိဂ်ပြိုင်ပွဲလိဂ်အဆင့် အစောပိုင်းတွင် အာဆင်နယ်အသင်းအား အဝေးကွင်း၌ ရှုးနိမ့်ခဲ့သော်လည်း မန်စီးတီးအသင်းအား အိမ်ကွင်း၌ ဂိုးပြတ်အနိုင်ရခဲ့သလို (၁၆) သင်းအဆင့်တွင် လီဗာပူးလ်အသင်း၊ ကွာတားဖိုင်နယ်တွင် ဗီလာအသင်း၊ ဆီမီးဖိုင်နယ်တွင် အာဆင်နယ်အသင်း စသည့် ပရီးမီး ယားလိဂ်ပြိုင်ဘက်များကို ကျော်ဖြတ်၍ ဗိုလ်လုပွဲ တက်ရောက်နိုင်ခဲ့ခြင်းဖြစ်သည်။ PSG အသင်းသည် ချန်ပီယံလိဂ်ဗိုလ်လုပွဲတွင် အီတလီထိပ်သီး အင်တာမီလန်အသင်းနှင့်တွေ့ဆုံနေပြီး အဆိုပါပွဲစဉ်ကို မေလ (၃၁) ရက်တွင် ဘိုင်ယန်မြူးနစ်အသင်း၏ အိမ်ကွင်း အလိုင်းယန့်အရီနာတွင် ကျင်းပမည်ဖြစ်သည်။
