ပရီးမီးယားလိဂ် ချန်ပီယံလိဂ်ဝင်ခွင့်အတွက် အရေးပါတဲ့ ချဲလ်ဆီးအသင်းနဲ့ပွဲမှာ နယူးကာဆယ် အိမ်ကွင်းပရိသတ် တွေရဲ့ ဆူညံတဲ့ အားပေးမှုတွေ လိုအပ်တယ်လို့ နယူးကာဆယ်အသင်းခေါင်းဆောင် ဂူမာရေးစ်က တောင်းဆိုသွားခဲ့ပါတယ်။ အခုရာသီ ပရီးမီးယားလိဂ် ချန်ပီယံဆုကို လီဗာပူးအသင်း ရရှိခဲ့ပြီးဖြစ်ပေမယ့် ချန်ပီယံလိဂ်ဝင်ခွင့် တိုက်ပွဲကတော့ ပြင်းထန်နေဆဲ ဖြစ်ပါတယ်။ အခုတစ်ပတ် မေလ ၁၁ ရက် တနင်္ဂနွေမှာတော့ အဆင့် ၄ နေရာက နယူးကာဆယ် အသင်းအိမ်ကွင်းကို အဆင့် ၅ နေရာက ချဲလ်ဆီးအသင်း လာရောက်ကစားရမှာ ဖြစ်ပါသည်။
