တနင်္သာရီတိုင်းတွင်ငလျင်ကြောင့် ရပ်နားထားသည့် ဓမ္မာစရိယနှင့် ပထမပြန်စာမေးပွဲများ ဇွန်လဆန်းတွင် ပြန်ကျင်းပမည်

မြန်မာနိုင်ငံတွင် မတ်လ ၂၈ ရက်က လှုပ်ခတ်ခဲ့သည့် အင်အားအလွန်ပြင်းထန်သည့် ငလျင်ကြောင့် ဆိုင်းငံ့ခဲ့သည့် ဓမ္မာစရိယစာမေးပွဲနှင့် ကျင်းပရန်စီစဥ်ထားသော ပထမပြန်စာမေးပွဲများကို ဇွန်လဆန်းတွင် ပြန်ကျင်းပမည်ဖြစ်ကြောင်း သာသနာရေးဦးစီးဌာနက ယနေ့ မေလ ၉ ရက်တွင် ထုတ်ပြန်ကြေညာသည် ။ဖြေဆိုဆဲ ဓမ္မာစရိယစာမေးပွဲကို ဇွန်လ ၂ ရက်မှ ၆ ရက်အထိ ပြန်ကျင်းပမည်ဖြစ်ပြီး ငလျင်မတိုင်မီ ဖြေဆိုထားသည့် ကျမ်း ၂ ကျမ်းကို ပြန်လည်ဖြေဆိုရန် မလိုတော့ကြောင်း စာမေးပွဲကြီးကြပ်ဆရာတော်များထံမှ သိရသည်။