ရှမ်းပြည်နယ်တောင်ပိုင်း မိုးဗြဲရေကာတာမှ စီးဆင်းသည့် ဆည်မြောင်း တလျှောက်တွင် ငါးများ အကြောင်းအရင်းမသိ သေဆုံးနေသည်မှာ ရက်သတ္တပတ် ကျော်နေပြီဖြစ်ပြီး ဆယ်ထုတ်မည့်သူမရှိသဖြင့် အပုပ်နံ့များ ရနေပြီဖြစ်ကြောင်း ဒေသခံထံမှ သိရသည်။ပြီးခဲ့သည့် မေလ ၁ ရက်နေ့ခန့်မှစတင်ကာ မိုးဗြဲရေကာတာမှ လယ်ကွင်းများသို့ သွင်းသည့် ဆည်မြောင်းများတွင် ငါးအစုလိုက်ပြုံလိုက်သေဆုံးသည်ကို တွေ့ရှိခဲ့ရကြောင်း ဒေသခံထံမှ သိရသည်။ လက်ရှိတွင် ထိုငါးသေများသည် ဘီလူးချောင်းရေဖြင့် မျောပါစီးဆင်းကာ လွိင်ကော်မြို့ထိ ရောက်ရှိနေကြောင်း ကရင်နီပြည်ကြားကာလအုပ်ချုပ်ရေးကောင်စီ (IEC) အတွင်းရေးမှူး ဦးဗညားခွန်အောင်က ပြောသည်။
