ရှမ်းပြည်နယ်အရှေ့ပိုင်းရွှေတူးဖော်မှုများကြောင့် နမ့်ခုတ်မြစ်အတွင်း ငါးများ အနာဖြစ်ပွားနေ

ထိုင်းနိုင်ငံ၊ ချင်းမိုင်နှင့် ချင်းရိုင်ခရိုင်များသို့ ဖြတ်သန်းစီးဆင်းနေသော နမ့်ခုတ်မြစ် (Kok မြစ်)အတွင်း မြန်မာဘက်ခြမ်း၊ ရှမ်းအရှေ့မှ ရွှေမိုင်းများကြောင့် အာဆင်းနစ်အက်ဆစ်နှင့်အခြားသော ဓာတ်သတ္တုများစွာ ပျော်ဝင်နေခြင်းကြောင့် ငါးများတွင် အနာများဖြစ်နေပြီး ဖမ်းဆီးရောင်းချမှု၌ ဝယ်ယူသူ နည်းပါးနေခဲ့ပြီဟု ရှင်သန်နေသော ရှမ်းမြစ်အသင်း( Living River Siam Association ) ဥက္ကဌ Somkiat Kuenchiangsa က ပြောပါတယ်။မတ် ၃၁ ရက်နှင့် ဧပြီ ၁ ရက်နေ့က ဓာတ်ခွဲခန်းတွင် ရေအရည်အသွေးစမ်းသပ်စစ်ဆေးရာ ပျော်ဝင်နေ သည့် အာဆင်းနစ်အက်ဆစ်ဓာတ်သည် ဘေးကင်းလုံခြုံမှုအဆင့်ထက် ၁၉ ဆ ကျော် များပြားနေခြင်းကြောင့် နမ့်ခုတ်မြစ်အတွင်း ရေများကို အသုံးမပြုသင့်ဟု အကြံပြုထားရာ တံငါသည်များကမူ မြစ်အတွင်း ဆက်လက် ငါးဖမ်းနေကြရာ၌ အနာများနှင့် ငါးများစွာကို ဖမ်းမိနေပြီး ဝယ်ယူမှု ရှားပါးသော ပြဿနာနှင့်ရင်ဆိုင်နေရကာထိုမြစ်အတွင်းမှ ငါးများကို စမ်းသပ်စစ်ဆေးမှုတွင် ဘေးကင်းခြင်းအဆင့်ဖြစ်သော 2mg/kg အောက် 0.13 mg/kg သာပါဝင်သော်လည်း အနာများဖြစ်နေသည့် ငါးများစွာတွေ့ရှိရခြင်းကြောင့် ဝယ်ယူမှုများ နည်းပါးလွန်းပါတယ်။