ရှမ်းပြည်နယ်တောင်ပိုင်း ကျေးသီးနှင့် မိုင်းနောင်ဒေသများတွင် ပြောင်းမျိုးစေ့နှင့် ဓာတ်မြေဩဇာဈေးနှုန်း အလွန်မြင့်တက်လာမှုကြောင့် ယခုနှစ်တွင် ပြောင်းစိုက်သမားများ လျော့နည်းလာသည်။ မျိုးစေ့အထုတ်သေးတစ်ထုတ်ဈေးနှုန်းသည် (၁)သိန်း(၈)သောင်းနီးပါးရှိပြီး၊ ဓာတ်မြေဩဇာဈေးလည်း (၁)သိန်း(၃)သောင်းအထိ မြင့်တက်လာသဖြင့် တောင်သူများအနေဖြင့် စိုက်ပျိုးရေးအတွက် အရင်းအနှီးမဖြည့်နိုင်တော့ဘဲ အခြားဒေသများသို့သွားကာ နေ့စားအလုပ်လုပ်ကိုင်နေကြသည်။
