Walt Disney ကုမ္ပဏီသည် အာရပ်စော်ဘွားများ ပြည်ထောင်စုတွင် theme park အသစ် Disneyland Abu Dhabi ထားရှိရန် အစီအစဉ်ရှိကြောင်း ဗုဒ္ဓဟူးနေ့ (ဧပြီ ၇)တွင် ကြေညာသည်။ အဦးဆုံး Disneyland ကို ၁၉၅၅ ခုနှစ်တွင် အမေရိကန် ကယ်လီဖိုးနီးယားပြည်နယ် Anaheim တွင် ဖွင့်လှစ်ခဲ့သည်။Disneyland Abu Dhabi သည် သတ္တမမြောက် Disneyland theme park ဖြစ်လာမည်။ အခြားအပန်းဖြေ ဥယျာဉ်များမှာ ဖလော်ရီဒါ၊ တိုကျို၊ ပဲရစ်၊ ဟောင်ကောင်နှင့် ရှန်ဟိုင်းတို့တွင် တည်ရှိသည်။Disneyland Abu Dhabi ကို ယူအေအီး အဘူဒါဘီရှိ Yas Island တွင် ပြည်တွင်းကုမ္ပဏီ Miral က တည်ဆောက်ပေးမည်။ အမေရိကန်သမ္မတ ဒေါ်နယ်ထရမ့်၏ ဆော်ဒီအာရေးဗီးယား၊ ကာတာနှင့် အာရပ်စော်ဘွားများပြည်ထောင်စုနိုင်ငံများသို့ ခရီးစဉ် မစတင်ခင် တပတ်အလိုတွင် အမေရိကန် ဖလော်ရီဒါ အခြေစိုက် ဒစ္စနေက ကြေညာချက် ထုတ်ပြန်ခဲ့ခြင်း ဖြစ်သည်။
