မေ ၆ ရက်နေ့ကစပြီး ယာယီရပ်နားထားသည့် မော်လမြိုင်-ရန်ကုန် ရထားခရီးစဉ်များကို မေလ ၁၀ ရက်နေ့မှစ၍ ပြန်လည်ပြေးဆွဲသွားမည်ဖြစ်ပြီး၊ နှင်းပုလဲနှင့် တောင်စွန်းဘူတာကြား မိုင်းခွဲဖျက်ဆီးခံရသော တံတားပြုပြင်မှုအပြီးသတ်နိုင်လာခြင်းကြောင့် ဖြစ်သည်။ ပြန်လည်စတင်မည့်အမှတ် (၈၂) အစုန်ရထားအတွက် လေအိပ်ရထားတွဲဖြင့် ပြေးဆွဲသွားမည်ဖြစ်ပြီး ရက်ကြိုလက်မှတ်များကို မေ ၈ နှင့် ၉ ရက်နေ့များတွင် မော်လမြိုင်ဘူတာကြီး၌ ရောင်းချပေးမည်ဖြစ်ကြောင်း သိရသည်။
