ဂျပန်၂၄ နာရီစတိုးဆိုင် လုပ်ငန်းကုမ္ပဏီတွေက သူတို့ရဲ့ရောင်းအားကို မြှင့်တင်ဖို့အတွက် နိုင်ငံတွင်းဝင်ရောက်တဲ့ နိုင်ငံခြားဧည့်သည်တွေ မြင့်တက်လာနေတာကို ထိထိရောက်ရောက်အသုံးချနိုင်ဖို့ လုပ်ဆောင်နေကြပါတယ်။ Seven-Eleven Japan ဟာ Wasabi နဲ့လုပ်ထားတဲ့ ဂျပန်ထမင်းဆုပ်တွေ၊ Matcha လိုခေါ်တဲ့ လက်ဖက်ခြောက်အမှုန့်ကို အသုံးပြုထားတဲ့ မုန့်အချို့တွေလိုမျိုး နိုင်ငံခြားဧည့်သည်တွေကို ပစ်မှတ်ထားတဲ့ထုတ်ကုန်တွေကို တီထွင်ထုတ်လုပ်နေပါတယ်။ အဲဒီကုမ္ပဏီက ထုတ်ကုန်အမည်တွေကို ပစ္စည်းအထုပ်တွေပေါ်မှာလည်း အင်္ဂလိပ်အက္ခရာတွေနဲ့ ရိုက်နှိပ်နေပါတယ်။ တချို့ဆိုင်တွေက အိမ်ပြန်လက်ဆောင် စိတ်ကြိုက် များများစားစား ဝယ်ယူနိုင်စေဖို နိုင်ငံခြားသားတွေသဘောကျတဲ့ ကုန်ပစ္စည်းတွေကို အထုပ်ကြီးတွေလုပ်ပြီး ရောင်းပေးနေပါသည်။
