အိန္ဒိယမှ Tata Motors သည် သီးခြားစီ ရပ်တည်မည့် အစီအစဉ်ကို အစုရှယ်ယာရှင်များက ထောက်ခံမဲဖြင့် အတည်ပြု

အိန္ဒိယမှ Tata Motors သည် လက်ရှ်ကုမ္ပဏီကို အိမ်စီးကား ထုတ်လုပ်သည့် ကုမ္ပဏီတခုနှင့် လုပ်ငန်းသုံးယာဉ်များ ထုတ်လုပ်သည့် ကုမ္ပဏီတခုတို့ဖြင့် ကုမ္ပဏီ နှစ်ခုခွဲပြီး သီးခြားစီ ရပ်တည်မည့် အစီအစဉ်ကို အစုရှယ်ယာရှင်များက ထောက်ခံမဲ ၉၉.၉၉၉၅% ဖြင့် အတည်ပြုပေးခဲ့ကြသည်။ အိမ်စီးကား ကုမ္ပဏီတွင် Tata Motors ပိုင်ဆိုင်သည့် ဈေးအမြင့်တန်း JLR Jaguar Land Rover အမှတ်တံဆိပ်သည် အဓိကအားဖြင့် ပါဝင်မည် ဖြစ်သည်။ ရှယ်ယာရှင်များသည် ယခုလက်ရှိ ပိုင်ဆိုင်ထားသည့် ရှယ်ယာပမာဏအတိုင်း ကုမ္ပဏီ နှစ်ခုလုံးတွင် ပိုင်ဆိုင်ကြမည် ဖြစ်သည်။