လုံးချင်းအိမ်အငှားဈေးကွက် ငလျင်အပြီးကတည်းက တောက်လျှောက်စျေးတက်

ငလျင်အပြီးကတည်းက ရန်ကုန်အိမ်ခြံမြေစျေးကွက်တွင် လုံးချင်းအိမ်များအမေးများကာ စျေးကွက်ထဲ လုံးချင်းအိမ်အငှားဝင်လာပါက အချိန်သိပ်မကြာဘဲ ငှားနေရကြောင်း အိမ်ခြံမြေ အကျိုး ဆောင်လုပ်ငန်း လုပ် ကိုင်သူများထံမှသိရသည်။ပြီးခဲ့သည့်မတ်လက စစ်ကိုင်းနှင့် မန္တလေးတွင် လှုပ်ခတ်ခဲ့သည့် အင်အားပြင်းငလျင်ကြောင့်ရန်ကုန်မြို့ရှိ အထပ်မြင့်တိုက်ခန်းများနှင့် ကွန်ဒိုများတွင် နေထိုင်သူများသည် ငလျင်စိုးရိမ်စိတ်ဖြင့် မိမိတို့ လက်ရှိနေထိုင်ရာ အ ထပ်အမြင့်တိုက်ခန်းများနှင့် ကွန်ဒိုများကို ပြန်ငှားပြီး ရပ်ကွက်ထဲတွင် လုံးချင်းအိမ်းများအား ပြန်လည်ငှားရမ်းနေ ထိုင်ခြင်းများ အများဆုံးရှိနေသည့်အတွက် လတ်တလော အိမ်ငှားစျေးကွက်မှာ ပိုမိုအလုပ်ဖြစ်နေ ကြောင်း သိရ သည်။“ကျွန်တော်တို့ အသိမိတ်ဆွေဆိုရင် ငလျင်လည်းဖြစ်ပြီးရော အခုသူနေတဲ့တိုက်ခန်းကို ပြန်ငှားထားတယ် ။ တစ် လ ကို ၂ သိန်းခွဲနဲ့ ၄ လွှာ ၊ သူကတော့ အခြားမှာ လုံးချင်းအိမ် ပြန်ငှားပြီး နေနေတယ်။ အဓိကကတော့ ငလျင် စိုးရိမ်စိတ်တွေကြောင့် လုပ်လာကြတာ ။ ကြောက်ကြတာပေါ့ ။ အထပ်မြင့်တိုက်ဆိုတော့လည်း စိတ်မချရ ဘူးလေ ။ ကိုယ်တွေတောင် ၃ လွှာမှာနေတာ ။ ညည အိပ်မပျော်ဘူး ။ အတွေးတွေက ဟိုတွေး ဒီတွေးတွေ နဲ့ စိုးရိမ် စိတ် ဖြစ်နေရတယ်”ဟု ရန်ကုန်မြို့နေ ပြည်သူတစ်ဦးက ပြောသည် ။ထို့ပြင် ရန်ကုန်မြို့ အချက်အချာကျသည့် မြို့နယ်များနှင့် လူစည်ကားရာမြို့နယ်များဖြစ်သည့် စမ်းချောင်း ၊ ကြည့်မြင်တိုင် ၊ အလုံမြို့နယ်များ၏ အိမ်ငှားရမ်းစျေးနှုန်းများသည်တစ်လကို အိမ်လခကျပ်၅သိန်းအထက်တွင် ရှိ နေကြောင်း အိမ်ခြံမြေ အကျိုးဆောင် လုပ်ကိုင်သူများထံမှ သိရသည်။ “အငှားကတော့တော်တော်လေး အလုပ်ဖြစ်ပါတယ်။ တစ်ချို့ကျတော့လည်း တိုက်ခန်းအမြင့်မှာ ငှားနေ တဲ့သူတွေ ဆိုရင် တိုက်ခန်းပြန်အပ်ပြီး လုံချင်းအိမ် တွေ ပြန်ငှားပြီ နေကြတယ် ။ အဲဒီလိုဆိုတော့ အငှားတွေက အ လုပ်ဖြစ် လာ‌ကြတာပေါ့ ။ အဓိကကတော့ အထပ်အမြင့်တွေမှာ မနေရဲကြတော့တာ ၊ တစ်ချို့တွေဆို ကိုယ့် ဆီမှာ ရှိနေတဲ့ ကွန်ဒိုတွေ ၊ တိုက်ခန်းတွေကို ပြန်ရောင်းချလာကြတာတွေလည်းရှိနေကြတယ်”ဟု အိမ်ခြံမြေ အကျိုး ဆောင်လုပ်ငန်းလုပ်ကိုင်နေသူတစ်ဦးက ပြောသည် ။