မန္တလေးမှာ ညဘက် ငလျင်လှုပ်၊ လှုပ်ခတ်ချိန် စက္ကန့် ၃၀ ခန့်ကြာလို့ နေအိမ်မှ ဆင်းပြေးကြရ

မန္တလေးမြို့မှာ ယနေ့နံနက် ၁ နာရီ ၂၅ မိနစ်ခန့်က လှုပ်ခတ်ကြာချိန်အနည်းငယ်ရှည်သောငလျင်တစ်ခုလှုပ်ခတ်ခဲ့ရာ နေအိမ်မှ ဆင်းပြေးကြရကြောင်း ဒေသခံများထံကသိရသည်။“စက္ကန့်သုံးဆယ်လောက်ကြာတယ်၊ အိပ်နေချိန်ကြီးမှာ ပုခက်လွှဲသလိုလှုပ်တာ၊ ၂၈ ရက်ကကလှုပ်တဲ့ငလျင်လိုမျိုး” ဟု အမရပူမြို့နယ်ထဲနေထိုင်သူဒေသခံတစ်ဦးကပြောသည်။အရှေ့အနောက် ပုခက်လွှဲသကဲ့သို့လှုပ်ခတ်ခဲ့သည့်ငလျင်တစ်ခုဖြစ်ကြောင်း ဒေသတွင်းသတင်းများကဆိုထားပြီး၊ အဆိုပါငလျင်လှုပ်ခတ်မှုကို တစ်မြို့လုံးနေရာအနှံ့အပြားတွင် သိရှိခံစားခဲ့ရကြောင်းလည်း ဒေသခံများ၏လူမှုကွန်ရက်ပေါ်ဖြန့်ဝေရေးသားချက်များအရသိရသည်။