အိန္ဒိယ တိုက်လေယာဉ် ငါးစင်းကို ပစ်ချခဲ့ကြောင်း ပါကစ္စတန်စစ်တပ် အခိုင်အမာဆို

အိန္ဒိယတိုက်လေယာဉ် ငါးစင်းကို ပစ်ချခဲ့ကြောင်း ပါကစ္စတန် စစ်တပ်ပြောရေးဆိုခွင့်ရှိသူ ဒုတိယဗိုလ်ချုပ်ကြီး Ahmed Sharif Chaudhary က အခိုင်အမာပြောဆိုလိုက်ပါတယ်။ပစ်ချခဲ့တဲ့ လေယာဉ်တွေထဲမှာ Rafale သုံးစင်း၊ SU-30 နဲ့ MiG-29 ၁ စင်း အပါအဝင် အိန္ဒိယလေယာဉ် ငါးစင်း Heron ဒရုန်းတစ်စင်းတို့လည်း ပါဝင်တယ်လို့ သူကပြောပါတယ်။ အိန္ဒိယဘက်ကတော့ ဒီကိစ္စအပေါ် တစုံတရာ မှတ်ချက်ပေးတာမျိုးမရှိသေးပါဘူး။ပါကစ္စတန်နဲ့ ပါကစ္စတန်အုပ်ချုပ်တဲ့ ကက်ရှ်မီးယားဒေသ နေရာကိုးခုကို လေကြောင်းတိုက်ခိုက်ခဲ့တယ်လို့ အိန္ဒိယ အစိုးရက ပြောပါတယ်။