ဂျာမနီနိုင်ငံ၏ CDU/CSU နှင့် SPD ပါတီတို့ အစိုးရသစ် ဖွဲ့စည်းရေးအတွက် ညွန့်ပေါင်းသဘောတူညီချက်၌ လက်မှတ်ရေးထိုး

ဂျာမနီနိုင်ငံ၏ ကွန်ဆာဗေးတစ်ဝါဒီ CDU/CSU မဟာမိတ်ပါတီနှင့် ဗဟိုလက်ဝဲဝါဒီ ဆိုရှယ်ဒီမိုကရက်တစ်ပါတီ (SPD) ခေါင်းဆောင်တို့မှာ ညွန့်ပေါင်းဖွဲ့ရေး သဘောတူညီချက်အား မေ ၅ ရက်က လက်မှတ်‌ရေးထိုးခဲ့သဖြင့် ဖက်ဒရယ်အစိုးရသစ် ဖွဲ့စည်းရန် လမ်းပွင့်သွားပြီဖြစ်သည်။သီတင်းပတ်များနှင့်ချီကာ ဆွေးနွေးညှိနှိုင်းမှုများ ပြုလုပ်ပြီးနောက် ဧပြီလတွင် အပြီးသတ်နိုင်ခဲ့သည့် အဆိုပါ ညွန့်ပေါင်းသဘောတူညီချက်အရ ဂျာမနီနိုင်ငံ၏ စီးပွားရေးအရ ယှဉ်ပြိုင်နိုင်စွမ်းကို မြှင့်တင်ရေး၊ နိုင်ငံတော်ကာကွယ်ရေးကို ခိုင်မာအောင်လုပ်ဆောင်ရေး၊ ရွှေ့ပြောင်းအခြေချ မူဝါဒများကို တင်းတင်းကျပ်ကျပ် ကိုင်တွယ်ဆောင်ရွက်ရေးအတွက် ၎င်းပါတီများက ကတိပြုခဲ့ကြသည်။