လီဗာပူးလ်အသင်း၏ ညာနောက်ခံကစားသမားထရန့် အလက်ဇန္ဒား အာနိုးလ် လီဗာပူးလ်မှ ထွက်ခွာ၊ ရီးရဲလ်မက်ဒရစ်သို့ ပြောင်းရွှေ့ရန် သဘောတူ

လီဗာပူးလ်အသင်း၏ ညာနောက်ခံကစားသမား ထရန့် အလက်ဇန္ဒား အာနိုးလ်သည် အသင်းမှ ထွက်ခွာရန် ဆုံးဖြတ်ချက်ကို အတည်ပြုလိုက်ပြီဖြစ်သည်။ အသင်းနှင့်အတူ ပရီးမီးယားလိဂ် ချန်ပီယံဆုကို နောက်တစ်ကြိမ် ရယူပြီးနောက် ကလပ်အသင်းမှ နှုတ်ဆက်ထွက်ခွာရန် အတည်ပြုခဲ့ခြင်းဖြစ်သည်။ အသက် ၂၆ နှစ်အရွယ် အာနိုးလ်သည် စပိန်ထိပ်သီးကလပ် ရီးရဲလ်မက်ဒရစ်အသင်းသို့ (၅)နှစ် စာချုပ်ဖြင့် ပြောင်းရွှေ့ရန် စာရွက်စာတမ်းများ ပြင်ဆင်နေပြီဖြစ်ပြီး နှစ်ဦးနှစ်ဖက် နှုတ်အားဖြင့် သဘောတူညီမှုလည်း ရရှိထားပြီးဖြစ်သည်။ အာနိုးလ်သည် လီဗာပူးလ်လူငယ်အကယ်ဒမီမှ တဆင့် တက်လာခဲ့ပြီး ပထမအသင်းအတွက် ပွဲပေါင်း ၃၀၀ ကျော် ကစားပေးခဲ့ကာ ချန်ပီယံလိဂ်နှင့် ပရီးမီးယားလိဂ်ဖလား အပါအဝင် ဆုဖလားများစွာ ရယူနိုင်ခဲ့သည်။ သူ၏ ထွက်ခွာမှုသည် လီဗာပူးလ်ပရိသတ်များအတွက် ဝမ်းနည်းစရာဖြစ်သော်လည်း ကစားသမားကိုယ်တိုင်ကလည်း ၎င်း၏ကစားသမားဘဝတွင် စိန်ခေါ်မှုအသစ်များ ရှာဖွေလိုသောကြောင့် ရီးရဲလ်မက်ဒရစ်သို့ ပြောင်းရွှေ့ရန် ဆုံးဖြတ်ခဲ့ခြင်းဖြစ်သည်ဟု သိရသည်။