တောင်ကိုရီးယားရှိ အမေရိကန်အခြေစိုက်စခန်းကို ၂ ကြိမ်လာရောက် စပိုင်လုပ်သူ တရုတ်စုံတွဲကို ဖမ်းဆီး

တရုတ်နိုင်ငံသား စုံတွဲတစ်တွဲသည် တောင်ကိုရီးယားရှိ အမေရိကန်အခြေစိုက် လေတပ်စခန်းအနီး ၂ ကြိမ်တိုင်လာရောက်ကာ ဖိုက်တာဂျက်လေယာဉ်များကို မှတ်တမ်းတင်ရိုက်ကူးနေသည့်အတွက် ဧပြီ ၂၃ ရက်၌ ဖမ်းဆီးခဲ့ကြောင်း သိရသည်။ဂျုံဂီနမ်ဘူခရိုင်ရဲအေဂျင်စီနှင့် အမေရိကန်စစ်တပ် ထုတ်ပြန်ချက်အရ အမည်မဖော်ပြသော တရုတ်စုံတွဲသည် ဂျုံဂီခရိုင်၊ ပြုံတပ်ခ်ရှိ အမေရိကန်၏ အိုဆန်လေတပ်အခြေစိုက်စခန်းအနီး မှတ်တမ်းတင် ရိုက်ကူးမှုလုပ်နေသည်ကို တွေ့ရှိရကာ ထိုစုံတွဲသည် သူလျှိုလုပ်သည့် သံသယဖြင့် ဖမ်းဆီးခဲ့ခြင်းဖြစ်သည်ဟု ဆိုသည်။