ရှမ်းပြည်နယ်တောင်ပိုင်း၊ပင်လောင်းမြို့နယ် တောင်ဖက်ကျေးရွာများတွင်ဆီစျေးအဆမတန်စျေးတက်ခြင်းကြောင့် ဒေသတွင်း ရရှိသည့် ဘိန်းစေ့ကို အဆီထုတ် စားသုံးလာကြရသည်။ပင်လောင်းမြို့တွင် အခြေခံစားသုံးကုန်ဖြစ်သည့် ဆန်၊ဆီ များကို သယ်ယူခွင့်မပြုသောကြောင့် ကုန်စျေးနှုန်းလည်း အဆမတန် စျေးတက်နေကြောင်းသိရသည်။"ဘိန်းစေ့ ဆီ စားလို့ မူးတာ ၊လက်တွေကွေးသွားတာ၊ ကောက်တဲ့ရောဂါဖြစ်သွားတာ ၊အအေးဒဏ်မခံနိုင်တော့တာ၊ ဗိုက်အောင့်တာတွေလာပြတာများတယ်။ ဘိန်းစေ့ဆီကို လျှော့စားဖို့ ပြောပေမယ့် မရဘူး။ အဲ့တာနဲ့ပတ်သက်ပြီး ရွာတွေထဲ အသိပညာပေးတာမျိုး လိုအပ်တယ်"ဟု တောင်ထီဗွာကျေးရွာအုပ်စုရှိ ကျေးရွာတစ်ရွာမှ တာဝန်ကျ ဆရာဝန်တစ်ဦးကပြောသည်။
