ဧပြီလ ၂၃ ရက်နေ့က သုံးစွဲသူတိုင်ကြားမှုအရ အေးသာယာမြို့၊ ရပ်ကွက် (၅)ရှိ ပြည့်စုံအောင် အိမ်ဆောက်ပစ္စည်းအရောင်းဆိုင်၏ ဘိလပ်မြေဂိုထောင်ကို ရဲများနှင့်တာဝန်ရှိသူများ သွားရောက်စစ်ဆေးခဲ့ရာ ဘိလပ်မြေကို ကျောက်မှုန့်များရောစပ်နေသည်ကို တွေ့ရှိခဲ့ရသဖြင့် ဖမ်းဆီးထိန်းသိမ်းခဲ့ခြင်း ဖြစ်ကြောင်း အေးသာယာဒေသခံတစ်ဦးက ပြောသည်။အေးသာယာနယ်မြေ ရဲစခန်းက ဆိုင်ပိုင်ရှင်ဖြစ်သူ ဦးစိုးတင့်အောင် (ခ) မောင်စိုး နှင့် အလုပ်သမား ၇ ဦးကို လိမ်လည်မှု၊ ကုန်ပစ္စည်းအတုထုတ်လုပ်မှု၊ လိမ်လည်ရန်အားပေးကူညီမှု ပုဒ်မများဖြစ်သော ရာဇသတ်ကြီးပုဒ်မ ၄၂၀၊ ၄၆၈၊ ၄၈၆၊ ၁၁၄ တို့ဖြင့် တရားစွဲဆိုထားပြီး ဆိုင်ပိုင်ရှင်ဖြစ်သူ ဦးစိုးတင့်အောင် (ခ) မောင်စိုး က ငွေပေးကာ အာမခံဖြင့်လွတ်မြောက်ရန် တရားရုံးတာဝန်ရှိသူများနှင့် ညှိနှိင်းနေကြောင်း သိရသည်။တောင်ကြီးမြို့၊ အနောက်မြို့ပတ်လမ်းပေါ်တွင်လည်း ပြည့်စုံအောင် အိမ်ဆောက်ပစ္စည်းဆိုင် ဖွင့်ထားပြီး အခြား ဆိုင်ခွဲ ၃ ဆိုင်ခန့်ရှိသေးကြောင်းသိရသည်။
