Apple နောက်ဆုံးပေါ် iPhone 16 စီးရီး အထူးသဖြင့် iPhone 16e အတွက် ခိုင်မာသော ဝယ်လိုအားကို မြင်တွေ့ရ

Consumer Intelligence Research Partners (CIRP) ၏ နောက်ဆုံးအစီရင်ခံစာအရ Apple နောက်ဆုံးပေါ် iPhone 16 စီးရီး အထူးသဖြင့် iPhone 16e အတွက် ခိုင်မာသော ဝယ်လိုအားကို မြင်တွေ့ရသည်။ ဒေါ်လာ ၆၀၀ တန်သည့် ဈေးနှုန်းအလယ်အလတ်တန်းဖုန်း ရောင်းအားသည် အမေရိကန်တွင် ၂၀၂၂ ခုနှစ် iPhone SE ထက် သာလွန်သွားသည်။ CIRP ၏ တွေ့ရှိချက်များအရ iPhone 16 စီးရီး ရောင်းအားသည် စတင်ရောင်းချခဲ့သည့် ယမန်နှစ် ၂၀၂၄ ခုနှစ်ထက် ၂၀၂၅ ပထမသုံးလပတ်တွင် ပိုမိုကောင်းမွန်ခဲ့သည်။ အမေရိကန်တွင် အိုင်ဖုန်းရောင်းအား၏ ၇% သည် iPhone 16e ရောင်းအားဖြစ်သည်။ အမေရိကန်ဈေးကွက်တွင် iPhone 16e သည် ကြီးမားသော အောင်မြင်မှု ရရှိသော်လည်း iPhone 16 စီးရီးမှ ကျန်မော်ဒယ်များဖြစ်သည့် ပရီမီယံနှစ်မျိုးလုံးသည် အလားတူအောင်မြင်မှုမျိုး မရရှိခဲ့ကြောင်းသိရသည်။