တရားမဝင် ဝင်ရောက်လာသည့်မြန်မာနိုင်ငံသား ၁၉ ဦး လိုက်ပါစီးနင်းလာသည့်ကား မောင်းပြေးရင်း မြစ်ထဲကျ

တရားမဝင် ဝင်ရောက်လာသည့် မြန်မာနိုင်ငံသား ၁၉ ဦး လိုက်ပါစီးနင်းလာသည့် ကားတစီး ထိုင်းနိုင်ငံ၊ ကန်ချနဘူရီပြည်နယ်တွင် မောင်းပြေးရာမှ မြစ်ထဲကျပြီး ကားပေါ်ပါလာသူများဖမ်းဆီးခံရသည်။မြန်မာနိုင်ငံသားများအား တင်ဆောင်လာသည့် အနက်ရောင်ပစ်ကပ်ကားသည် ထိုင်းအာဏာပိုင်များ၏ လိုက်လံဖမ်းဆီးခြင်းခံရမှုကြောင့် မောင်းပြေးရာမှ လက်ယာခရိုင်၊ Nong Bua ခွိုင်ယိုင်မြစ်ကူးတံတား အနီးအရောက် မြစ်ကမ်းစပ်တွင်ရေဆေးနေသည့် ကားတစီးအားဝင်တိုက်မိပြီး မြစ်ထဲထိုးကျသွားခဲ့ကာ ယာဉ်မောင်းမှာ မြစ်ကိုဖြတ်ကူးထွက်ပြေးသွားကြောင်း ဖော်ပြထားသည်။ကားပေါ်ပါလာသူ အမျိုးသား၊ အမျိုးသမီးနှင့် ကလေးငယ်များအပါအဝင် မြန်မာနိုင်ငံသား ၁၉ ဦးသည် ထိုင်းအာဏာပိုင်များ၏ ဖမ်းဆီးထိန်းသိမ်းခြင်း ခံခဲ့ရသည်။