နေပြည်တော်ဇမ္ဗူသီရိမြို့နယ်နှင့် ပုဗ္ဗသီရိမြို့နယ်အတွင်းမှ နေရာများတွင် ဧပြီ ၂၆ ရက်မှ စတင်ကာ ဧပြီ ၂၈ ရက်အထိ သုံးရက်အကြာ လျှပ်စစ်ဓာတ်အားပြတ်တောက်မည်ဖြစ်ကြောင်း ဇမ္ဗူသီရိမြို့နယ် လျှပ်စစ်အင်ဂျင်နီယာရုံးမှ ကြေညာထားချက်အရ သိရသည်။အဆိုပါ ဇမ္ဗူသီရိမြို့နယ်နှင့် ပုဗ္ဗသီရိမြို့နယ်တို့တွင် ၂၃၀ကေဗွီ ပျဥ်းမနား - နေပြည်တော်ပင်မ(၁) မဟာဓာတ်အားလိုင်း လိုင်းအူကြောင်းပြောင်းရွေ့တည်ဆောက်ခြင်း (Diversion) လုပ်ငန်း၊ ဓာတ်အားလိုင်းကြိုးအသစ်ဆွဲသားခြင်းလုပ်ငန်းများ ဆောက်ရွက်မည်ဖြစ်သည့်အတွက် ၂၆ ရက်မှ ၂၈ ရက်အထိ ကာလအတွင်းတွင် နံနက် ၆ နာရီမှ ညနေ ၃ နာရီအထိ ရှစ်နာရီအကြာ ဆက်တိုက် လျှပ်စစ်ဓာတ်အား ပြတ်တောက်မှုကိုကြုံရမည်ဖြစ်သည်။ထိုဓာတ်အားပြတ်တောက်မှုကြုံမည့်နေရာများမှာ သာယာကုန်း ဖီဒါမှပိုလွှတ်နေသော ရေပန်းဥယျာဉ်၊ ရွှေကြာပင်ရပ်ကွက်၊ အောင်ဇမ္ဗူနယ်မြေ ၁ မှ ၈ အထိ၊ အထက-၂၂၊ စည်ပင်ဧည့်ရိပ်သာ-၁ ၊ ၂၊ ရွှေကြာပင်ရပ်ကွက်၊ ရွှေကြာပင်အားကစားကွင်း၊ ဇမ္ဗူသီရိဆေးရုံ၊ Grand ACE Villa ၊ အထက-၁၄၊ ရှားတော၊ ဂုန်မင်းအင်း၊ တဲကြီးကုန်းတို့ဖြစ်ကြောင်းလည်း သိရသည်။
