ပြင်သစ်နိုင်ငံရှိ ကျောင်းတစ်ကျောင်းတွင် ဆယ်ကျော်သက်မိန်းကလေးတစ်ဦး ဓားနှင့်အထိုးခံရ၍ သေဆုံး၊ သုံးဦးဒဏ်ရာရ

ပြင်သစ်နိုင်ငံ အနောက်ပိုင်းမှာရှိတဲ့ ပုဂ္ဂလိကကျောင်းတစ်ကျောင်းမှာ ဧပြီလ ၂၄ ရက်က ဓားထိုးခံရလို့ ဆယ်ကျော်သက်မိန်းကလေးတစ်ဦး သေဆုံးခဲ့ရပြီး အခြားကျောင်းသားသုံးဦးလည်း ဒဏ်ရာတွေရခဲ့တယ်လို့ သိရပါတယ်။ ဒဏ်ရာရရှိသူတွေအနက် နှစ်ဦးက အသက်အန္တရာယ်စိုးရိမ်ရတယ်လို့ သိရပါတယ်။ ထိုအဖြစ်အပျက်က ပြင်သစ်နိုင်ငံအနောက်ပိုင်းရှိ နန်တီစ်မြို့က Notre-Dame-de-Toutes-Aides ပုဂ္ဂလိကကျောင်းမှာ ဧပြီလ ၂၄ ရက် ဒေသစံတော်ချိန် မွန်းလွဲပိုင်းက ဖြစ်ခဲ့တာ ဖြစ်ပါတယ်။