ကက်ရှ်မီးယား တိုက်ခိုက်မှုကြောင့် အိန္ဒိယကုန်သည်များ စိုးရိမ်နေ

အိန္ဒိယ၏ ကက်ရှ်မီးယားဒေသတွင် ဖြစ်ပွားခဲ့သည့် စစ်သွေးကြွများ၏ တိုက်ခိုက်မှုကြောင့် အိန္ဒိယနှင့် ပါကစ္စတန် အကြား တင်းမာမှုများ မြင့်တက်လာသဖြင့် နိုင်ငံခြားငွေလဲလှယ်ရေးနှင့် အတိုးနှုန်း ဈေးကစားသည့် ကုန်သည်များ က အခြေအနေကို စိုးရိမ်နေကြောင်း ရိုက်တာမှ ဖော်ပြခဲ့သည်။ ဧပြီ ၂၂ ရက်က ကက်ရှ်မီးယားဒေသရှိ ခရီးသွားများ လာရောက်လေ့ရှိသည့် နေရာတွင် စစ်သွေးကြွများ၏ တိုက်ခိုက်မှုကြောင့် အမျိုးသား ၂၆ ဦးသေဆုံးခဲ့သည်။