ဖနောင်ပင်နှင့်ဘန်ကောက်တို့ ကုန်သွယ်ရေးဆက်ဆံမှုတိုးမြှင့်မည်

ကမ္ဘောဒီးယားနှင့်ထိုင်းတို့သည် ကမ္ဘာလုံးတစ်ဝန်း၌ဖြစ်ပွားနေသော ကုန်သွယ်ရေးပွတ်တိုက်မှုများရှိ‌နေချိန်၌ ကုန်သွယ်‌ရေး ဆက်ဆံရေးကို တိုးမြှင့်ရန်သန္နိဋ္ဌာန်ချထားဆဲဖြစ်ကြောင်း ကမ္ဘောဒီးယား နိုင်ငံခြားရေးဝန်ကြီးဌာနက သတင်းစာရှင်းလင်းပွဲ‌၌ ပြောကြားခဲ့သည်။ ယခုကတိကဝတ်ကို ကမ္ဘောဒီးယားဝန်ကြီးချုပ်ဟွန်မာနက်နှင့် အလည်အပတ်ရောက်ရှိနေသော ထိုင်းဝန်ကြီးချုပ် ပေတုန်တန်တို့က ထပ်လောင်းကတိပြုခဲ့ကြခြင်းဖြစ်ကြောင်း သတင်းထုတ်ပြန်ချက်တွင် ဖော်ပြထားသည်။ "ဝန်ကြီးချုပ်နှစ်ဦးသည် လွန်ခဲ့သည့်နှစ်က ပထမဆုံးအကြိမ်အဖြစ် အမေရိကန်ဒေါ်လာ ၁၀ ဘီလျံကျော်ရရှိခဲ့သည့် စီးပွားရေးပူးပေါင်းဆောင်ရွက်မှု၌ သိသိသာသာတိုးတက်မှုကို ကျေနပ်အားရမိကြောင်းကိုလည်း မှတ်ချက်ပြုပြောကြားခဲ့ကြသည်" ဟုသတင်းထုတ်ပြန်ချက်တွင် ဖေါ်ပြထားသည်။