မန္တလေးမှာ ကျောင်းတက်နေတဲ့ ကချင်ဒေသလူငယ်တွေ ငလျင်ဒဏ်ကြောင့် နေရာထိုင်ခင်းအခက်အခဲဖြစ်နေ

မန္တလေးမြို့မှာ ကျောင်းတတ်တဲ့ ကချင်‌ဒေသက လူငယ်တွေဟာ ဆေးကျောင်း၊ သူနာပြုကျောင်း၊ နည်းပညာကျောင်း၊ တိုင်းရင်းဆေးကျောင်း၊ GED( General Educational Development)အစရှိတဲ့ကျောင်းတွေမှာတက်ကာ အပြင်အဆောင်ငှားရမ်းနေထိုင်သူများတယ်လို့ သိရပါတယ်။“နေစရာအဆင်မပြေဘူးလို့ ဆိုရလို့ရှိရင် နေနေတဲ့ အဆောင်တွေလည်း ပျက်စီးသွားတယ် အဲဒီထဲက ပစ္စည်းတွေပြန်သွားယူဖို့လဲ ခက် အိမ်ပြန်ဖို့ လမ်းခရီးအခြေအနေလည်း အဆင်မပြေ ဖြစ်နေတာ ပေါ့”လို့ မန္တလေးမြို့မှာ ကျောင်းလာတက်တဲ့ ကျောင်းသူ တစ်ဦးက ဆိုပါတယ်။