ငလျင်လှုတ်ခတ်အပြီး ရန်ကုန်တစ်ဖက်ကမ်း ဒလဘက်က မြေဈေး ပိုမာလာ၊ ဒဂုံလေးမြို့နယ်မှာလည်း ဝယ်လက်တွေက အထပ်မြင့်နဲ့ လွတ်တဲ့အကွက်ကို ရှာဖွေလာ

ရန်ကုန်တစ်ဖက်ကမ်း ဒလဘက်အခြမ်းက အိမ်ခြံမြေဈေးတွေ အရင်ကထက် ဒီလပိုင်းထဲမှာ ၂၅ ရာခိုင်နှုန်းလောက် ဈေးနှုန်းမြင့်တက်မှုတွေ ရှိလာတယ်လို့ မြန်မာနိုင်ငံ အိမ်ခြံမြေဖွံ့ဖြိုးတိုးတက်ရေးအသင်း (ရန်ကုန်)ကနေ သိရပါတယ်။ ဒလဘက်အခြမ်းက ပထမတန်းစားလမ်းရဲ့ မြေဈေးက အရင် 1sqft ကို ကျပ်နှစ်သောင်းခွဲကနေ အခုအခါကျပ် နှစ်သောင်းရှစ်ထောင်နဲ့ သုံးသောင်းကြားမှာရှိနေတာကြောင့် ပိုင်ဆိုင်မှု ခိုင်မာရင် ခိုင်မာသလို 2400 sqft ရှိတဲ့ မြေက သိန်း ခုနစ်ရာ ပတ်ချာလည်မှာ ဈေးဆိုင်နေပြီး အိမ်အပါ နေရာကောင်းရင် သိန်း လေးထောင်ကနေ ခုနစ်ထောင်နီးပါး အရောင်းဆိုင်ထားတာတွေ ရှိနေတယ်လို့ သိရပါတယ်။