နေပြည်တော် ပျဉ်းမနားမြို့ရှိ ငလျင်သင့်အဆောက်အဦများကို ဖြိုဖျက်ရာမှ ထွက်လာသည့် သံထည်ပစ္စည်းများကို ပုတ်ပြတ်စနစ်ဖြင့် ဝယ်ယူသူများရှိလာကြောင်း သိရသည်။ တိုက်တာများတွင် အသုံးပြုထားသော သံချွန်၊ သံအင်္ဂတေများကို ဖြိုဖျက်ပြီး ပြန်လည်ရောင်းချကြခြင်း ဖြစ်ပြီး တစ်အိမ်တစ်တိုက်လျှင် ကျပ် ၁၀ သိန်းမှ ၅၀ သိန်းအထိ ဝယ်ယူကြသဖြင့် စျေးကွက်တချို့၌ တန်ဖိုးရှိလာနေသည်။ မတ်လ ၂၈ ရက်က အင်အား ၇.၇ ရှိငလျင်ကြီးကြောင့် မန္တလေးနှင့်အနီးအနားမြို့ကြီးများအတွင်း တိုက်တာအများအပြားပျက်စီးပြီး သေဆုံး၊ ပျောက်ဆုံးသူ အရေအတွက် တစ်သောင်းကျော်ရှိနေသဖြင့် ပြန်လည်ရှင်းလင်းရေးအလှုပ်အလှဲများ ဆက်လက်ပြုလုပ်လျက်ရှိသည်။
