အမေရိကန်ကုန်သွယ်ရေးကိုယ်စားလှယ်ရုံး (USTR) သည် တရုတ်သင်္ဘောများအတွက် ဆိပ်ကမ်းကြေးတိုးမြှင့်သည့် နှုန်းထားများကို ဧပြီ ၁၇ ရက်တွင် ၄၂ မျက်နှာစာ ကြေညာချက်ဖြင့် ထုတ်ပြန်လိုက်သည်။ ယင်းသည် တရုတ်သင်္ဘောတစီးလျှင် အမေရိကန်ဆိပ်ကမ်းတွင် တကြိမ်ဆိုက်ကပ်သည့်အခါ သာမန်အားဖြင့် ဆိပ်ကမ်းကြေး $၁.၅ မီလီယံအထိ ကောက်ခံရန် အဆိုပြုထားခြင်းဖြစ်သည်။ အမေရိကန်အစိုးရအနေဖြင့် တရုတ်နိုင်ငံသည် သင်္ဘောဆောက်လုပ်ရေးနှင့် ပင်လယ်ရေကြောင်းကဏ္ဍတွင် မျှတမှုမရှိသည့် မူဝါဒများ အသုံးပြု၍ ကမ္ဘာ့အရပ်များကို လွှမ်းမိုးကြောင်းစုံစမ်းသုံးသပ်ပြီး ထိုသည့်အရေးယူမှုကို လုပ်ဆောင်ခြင်းဖြစ်သည်။ ကမ္ဘာ့သင်္ဘောလုပ်ငန်းနှင့် ကုန်သွယ်ရေးစနစ်အပေါ် ထိခိုက်မှုရှိလာနိုင်သည်ဟု ခန့်မှန်းထားသည်။
