ဧပြီလ ၁၉ ရက်နေ့ကအိန္ဒိယနိုင်ငံ မြို့တော်နူးဒေလီအစွန်အဖျားတွင် အဆောက်အအုံတစ်လုံး ပြိုကျခဲ့သဖြင့် ကလေးငယ် သုံးဦးအပါအဝင် လူ (၁၁) ဦးထက်မနည်း ဆုံးပါးခဲ့ရသည်ဟု ဒေသတွင်း သတင်းများနှင့် အာဏာပိုင်များက ပြောကြားလိုက်ပါတယ်။ရွှေ့ပြောင်းလုပ်သားများ၏ နေအိမ်အများစုရှိသော မြို့၏ အရှေ့မြောက်ပိုင်းခရိုင်တွင် ဧပြီ၁၉ရက်နံနက်အစောပိုင်းအချိန်က မတော်တဆဖြစ်ရပ် ဖြစ်ပွားခဲ့ပြီး ကယ်ဆယ်ရေးအဖွဲ့များသည် အပျက်အစီးပုံကို တစ်နေ့လုံး တူးဖော်ရှာဖွေခဲ့ကြသလိုလူ (၁၁) ဦး ဆုံးပါးခဲ့ကြောင်း အတည်ပြုခဲ့ကာ အခြား (၁၁) ဦးကို ကယ်ဆယ်နိုင်ခဲ့သည်ဟု ယူဆရပြီး ဆေးရုံသို့ ပို့ဆောင်ထားရာ၎င်းတို့ထဲက လေးဦးသည် လက်ရှိအချိန်ထိ ဆေးကုသမှု ခံယူနေရဆဲဖြစ်ပါတယ်။ 
