မော်လမြိုင်မြို့၊ဘုန်းကြီးဆိုင်ရှေ့ သံလွင်မြစ်ထဲ ရေ နစ်ခဲ့တဲ့ (၁၂)နှစ် ကလေးတစ်ဦးရဲ့ ရုပ်အလောင်းကို ဒီကနေ့ပြန်လည်တွေ့ရှိခဲ့တယ်လို့ သိရပါတယ်။ဧပြီလ၁၇ရက်နေ့က သံလွင်မြစ်ထဲမှာ ကလေး(၄) ယောက် ရေဆင်းကူးရာကနေ(၁၂)အရွယ် ကလေးရေနစ်ခဲ့တာဖြစ်တယ်လို့ မြို့ခံလူမူကူညီရေးအသင်းတွေက ပြောပါတယ်။ ရေနစ်ခဲ့တဲ့ ကလေးရဲ့ရုပ်အလောင်းကို မြစ်ထဲကနေ အမျိုးသားတဦးက ရေငုတ်ပြီး ပြန်ရှာပေးခဲ့တာလို့ မြို့ခံလူမူကူညီရေးအသင်းက အသိပေးထားပါတယ်။
